好食兼抵食的小巴黎

小巴黎--並唔係一家法國餐廳，而係主攻越南菜既小餐館。讀書年代已經經常去小巴黎食飯，主要貪其經濟實惠。到出黎做野之後，小巴黎仍然保持一貫的「抵」外，其水準亦係好多越南餐廳不能比擬。

除左招牌菜香茅豬扒飯外，餐牌上每一款菜式都俾到驚喜食客。好似最近為食團去左小巴黎一趟，order左蝦湯檬、馬介休炒通菜、軟殼蟹同扎肉蝦卷，每款菜式實在令人回味無窮，而價錢更加實惠，只係百五蚊有找！

「華星冰室」得個名

90年代中，華星歌手個個紅到發紫，但踏入千禧年後，佢地就謝得好快。華星曾經最紅0個幾個靚仔歌手，而家叫自己做「Big 4」既許志安、梁漢文、蘇永康同張衛健就用左舊唱片公司個名係灣仔開左間茶餐廳「華星冰室」。

(餐牌好簡單。)

挾住佢地四個既名，好多人都慕名而黎，每個lunch time都大排長龍，睇下有冇機會一睹佢地既風采。為食團亦因為見到咁多人排龍，於是就趁一個晚上試一試有幾好食。

「華星冰室」提供既茶餐好簡單，厚多士、火腿炒蛋、沙爹牛意等等，睇落好似同澳洲牛奶公司有得fight，食落竟然係差幾皮，唔怪得一輪貪新鮮同熱情過後，lunch time既長龍已經不復見...

(意粉同通粉好麻麻，厚多士還好。

(最好食既竟然係奶油豬仔包！)