食北海道牛奶茶餐

今日去左試禮頓道間北海道牧場餐廳，該處以北海道牛奶煮食為賣點，openrice食評就麻麻，但試完後覺得唔錯！



(叉燒湯意。)


(厚多士配牛奶炒蛋。)


(餐肉湯意。)

北海道牧場餐廳提供既菜式好簡單，簡單到好似茶記既茶餐，但價錢又唔係平到茶記咁，反而澳洲牛奶公司算係佢地既direct competitor。

套餐係餐肉叉燒意粉/通粉，再配牛奶炒蛋加多士，唔鍾意炒蛋，就可選擇太陽蛋。意粉既湯唔係一般茶記既湯，係牛奶忌廉湯，入口幾香幾滑。如果當係食茶記，$3X一個餐固然係貴，但北海道牧場餐廳用既料加左D心思，算係食得過。