深水埗為食團

今日由K11食到深水埗，好似去左台灣咁，食完一間又一間。

第一站 - K11
入左間叫Aropa食tea，order左兩個set。第一個係巴馬火腿水牛芝士包，另一個係麵包布甸朱古力濃汁。


(巴馬火腿水牛芝士包個包好味呀。)

巴馬火腿水牛芝士包最特別係個包，好脆好鬆化；麵包布甸幾軟，幾可口。總括黎講，一般啦。

第二站 - 深水埗
夜晚去深水埗展開瘋狂飲食。

第一站係去左山東餃子館，好多款餃子，有蒸有煎，唔同口感，大伙兒叫左蕃茄鮮肉煎餃同三鮮蒸餃。另order左個麻醬撈麵，好香既麻香，D麵好彈牙。

下一站去傷心酸辣粉，D口水雞好好味，仲有重慶辣皮蛋，皮蛋係透明的，味道同外觀一流。

(口水雞、辣皮蛋同土豆絲都好好味。)

最後，為食團去埋恭和堂食荳花作為今日既總結，荳花暖笠笠滑入口中，一流呀！