為食團order左龍蝦沙律、羊扒（無錯…只係羊扒，唔係steak。原因係為食團友一早唔講佢唔食得牛囉…所以叫左羊扒，好掃興。）同洋葱圈。 未上appetizer前，waiter已經為每人送上一個比拳頭還要大既包，由於面包中空，加上入口鬆脆，所以唔會太膩。除左可薄薄抹上牛油之外，waiter還推介係包上灑上些海鹽，會更惹味。
輪到龍蝦沙律上場。沙律上鋪滿一片片龍蝦肉，淡淡海水味入口，令沙律更添清新。
接住，主角登場。7成熟既羊架，再配一點點薄荷醬，本以為兩者風馬牛不相及，但事實上係出奇地配合，令羊架入口有即溶感覺。最初認為冇得食steak會好掃興，原來一切都係錯覺！食完羊架後，會令人念念不忘，好想再食！
食完羊架後，side dish既洋葱圈已經變得多餘，厚厚既炸粉令人有點卻步。
最後，order左雪糕同雪芭，香蕉同朱古力雪糕有點似牛奶公司的出品，反而raspberry雪芭有驚喜。
總括黎講，BLT Steak唔錯，每位大約$300都算值得，最大原因係美景配美食呢！
(望落以為個餐包好似豬手咁大，其實內裏中空！)
(一隻龍蝦鉗放係沙律上面，睇到都流晒口水。)
(羊架配薄荷醬，出奇地夾！)
(朱古力同香蕉雪糕好一般。)
BLT Steak 睇落好吸引,下次我都要加入為食團!
回覆刪除我地快D plan去澳門食野啦
回覆刪除